Ipeuyan

Tzinon, itpaquih nic ittechoncahcalaqui! xonmomachili quemeh oisquia toncah itich moaltipeu. Nican itconahsis nochi tlen icpatiucanextia in totlahtol tlen poui itich in altipemeh Zacatlán, Ahuacatlán uan Tepetzintlan. 

Nican itconahsis:
• In Yancuic Tlahtolsintilil
• Itcomonextilis itconihcuilos in totlahtol
• Cuicameh
• Cualtzitzin tlaixcopinten tlen icnextiah quenih sechanchiua, in tlaquemitl, quen amehcan campa itchanchiuah
• Uan ocsiqui tlensa…

Tlen itpouih itich in tiquitl Uso de Escrituras iuan in Unión Nacional de Traductores Indígenas ittemouah matpatiucamatican in totlahtol uan ica paquilistli macuican. In totlahtol yeh se intetlaocolil in totahuan tlen icpia mic ipatiu, ica non itmitzonyoleuah xontlahto ica in totlahtol uan ixquinmonnextili mochanehcauan.

Itchiyah xonyolpaqui ohcon quemeh tehuan ica in totlahtol uan noiuqui ica tlen itconahsis nican.


Tlen cuali secmatis:

Tleca ohcon mihcuiloua in totlahtol

In náhuatl nepa ya uehcautica motemoua quenih sequihcuilos, itich ninqueh tonalmeh catqui mic tlamantli quenih moihcuiloua. Ihcuac opeu itquinchiuah amatlahcuilolten ica in náhuatl tlen pouih poui Zacatlán, Ahuacatlán uan Tepetzintlan ipeuyan in 2003 otmotlatlahtlanihqueh itich miqueh altipemeh uan ottaqueh nic miqueh tocniuan ocachi icuilita mamoihcuilo quemeh in coyotlahtol, icmachiliah ocachi amo oueh camapaouasqueh nic ica oixpitlanqueh amapouah. Ica non naquin oquinchiuqueh in amatlahcuilolten omoyacanqueh ica tlen in tocniuan icuilita uan amo couehcamatih. Ocpihpinqueh quihcuilosqueh in u ipatca in hu.

Altipemeh tlen tlahtoua totlahtol.

Compartir